काठमाडौं । मुलुकको प्रहरी सुरक्षा संगठनमध्येको एक नेपाल प्रहरीमा लगातार कोरोना संक्रमितको संख्या दिनानुदिन बढ्दै जान थालेको छ । हालसम्म प्रहरीमा दुई डीआईजीसहित कोरोना संक्रमितको संख्या १६ सय ५६ पुगेको छ । जसमध्ये ९ सय २८ जना सक्रिय संक्रमित छन् ।
७२८ जना उपचारपछि डिस्चार्ज भएका छन् । प्रहरी प्रधान कार्यालयमा कार्यरत ९७ र काठमाडौं उपत्यकाका ३२४ जना सक्रिय संक्रमित छन् । प्रहरी प्रवक्ता एसएसपी कुवेर कडायतका अनुसार प्रदेश १ मा २००, प्रदेश २ मा ११९, वाग्मती प्रदेशमा ४४, गण्डकीमा ६०, प्रदेश ५ मा ५३, कर्णाली प्रदेशमा १७ र सुदूरपश्चिम प्रदेशमा १४ जना सक्रिय संक्रमित छन् ।
