काठमाडाैं । टिपरको ठक्करबाट नेपाली चलचित्रका दृश्य सम्पादक अनिल गौतमको मृत्यु भएको छ । उनी पछिल्लो समय प्राइम टेलिभिजनमा कार्यरत थिए ।
प्रहरीका अनुसार शुक्रबार राति १०ः५५ बजे बानेश्वरबाट घर फर्किने बेला तीनकुनेमा प्रदेश ३-०१-००३ क ४५६३ नम्बरको टिपरले उनी सवार मोटरसाइकललाई ठक्कर दिँदा गौतमको उपचारका क्रममा मृत्यु भएको हो ।
दुर्घटनापछि बानेश्वरस्थित सिभिल अस्पताल पुर्याइएकोमा उपचारको क्रममा गाैतमकाे निधन भएको उनको परिवारिक स्रोतले जनाएको छ ।
उनलाई ठक्कर दिने टिपर चालकलाई प्रहरीले पक्राउ गरिसकेको छ । गौमतले थुप्रै नेपाली चलचित्रमा दृश्य सम्पादन गरेका छन् ।
