काठमाडौं । ललितपुरको महालक्ष्मी नगरपालिकाका मेयर रामेश्वर श्रेष्ठलाई कोरोना संक्रमण पुष्टि भएको छ । उनले मंगलबार बिहान सामाजिक संजाल फेसबुकमार्फत आफूलाई कोरोना संक्रमण भएको जानकारी गराएका छन् ।
श्रेष्ठले आफूसँग सम्पर्कमा रहेका सबैलाई पीसीआर चेक गर्न र सजगता अपनाउन समेत अनुरोध गरेका छन् । जनताको सेवामा अहोरात्र खटिँदै आएको र कामको सिलसिलामा कोरोना पुष्टि भएको श्रेष्ठको भनाई छ ।
उनले कोरोना जितेर आफू चाँडै काममा फर्किने विश्वास लिएका छन् ।
