भोजपुर । हतुवागढी गाउँपालीकाकी उपाध्यक्ष चन्द्रमा राईको निधन भएको छ।
उपाध्यक्ष राईको शनिवार बिहान विराटनगरस्थित न्यूरो अस्पतालमा निधन भएको हो ।
केही दिनअघिबाट सामान्य ज्वरो, पखालाबाट बिरामी भएकी राईलाई घोडेटारस्थित प्राथमिक स्वास्थ्य केन्द्रमा केही दिन उपचार गरिएको थियो। उनलाई जण्डिससमेत देखिएको थियो ।
स्वास्थ्यमा सुधारपछि डिस्चार्ज गरिएपनि अचानक रक्तचाप कम भएको र खाना नरुच्ने समस्या देखिएपछि थप उपचारका लागि उनलाई धरान पठाइएको हतुवागढी गाउँपालिकाका प्रमुख प्रेमकुमार राईले जानकारी दिए ।
उनी तत्कालीन नेकपा एमालेबाट गाउँपाालिका उपाध्यक्षमा निर्वाचित भएकी थिइन् ।
