काठमाडौं । नेपाली कांग्रेस केन्द्रिय खेलकुद विभागले पार्टीका संस्थापक नेता सुवर्ण समशेर राणाको स्मृतिमा रक्तदान कार्यक्रम आयोजना गरेको छ । विभागले नेता राणाको स्मृति दिवसको अवसरपारेर सिन्धुपाल्चोकको बाढी पहिरोमा घाइते भएकाहरुको सहयोगका लागि रक्तदान कार्यक्रम आयोजना गरेको हो ।
विभागको केन्द्रिय कार्यलय मध्यबानेश्वरमा आयोजना गरिएको कार्यक्रममा नेपाली कांग्रेसका केन्द्रिय सदस्य एवम् केन्द्रिय खेलकुद विभाग प्रमुख पूर्व सूचना तथा संचार मन्त्री मोहन बहादुर बस्नेत, नेपाली कांग्रेस सिन्धुपाल्चोक क्षेत्र नम्बर १ का क्षेत्रीय सभापति बालकृष्ण बस्नेत, समाजसेवी युवा नेता देव कोइराला, नेपाली कांग्रेस केन्द्रिय खेलकुद विभागका पदाधिकारी, नेपाली कांग्रेसका नेता तथा कार्यकर्ता एवम् सर्वसाधारणले रक्तदान गरेका थिए ।
