काठमाडौं ।ओखलढुंगाको रामपुरमा दिउँसै सुनको गहना लुटपाट भएको छ । मोलुङ्ग गाउँपालिका–४ की रुकमाया खतिवडाको सुनको गहना लुटिएको हो ।
विहिबार दिउँसो रामपुर बजार बाट हर्कपुर घर फर्केदै गर्दा रामपुर मुनिको कात्तिके जंगलको भिरमा दुईजना पुरुषले करिब डेढ तोला सुनको गहना लुटेर लगेको खतिवडाले बताईन् । कात्तिके भिरको अप्ठारो बाटोमा माक्स लगाएका अन्दाजी २०–२२ वर्षका दुईजना पुरुषले आँखा छोपी लछारपछार गरेर लगाएको एक तोलाको नौगेडी र करिब आधा तोलाको तिलहरी लुटेर भागेको खतिवडाको भनाई छ ।
सुन लुटिएको विषयमा ईलाका प्रहरी चौकी रामपुरमा खतिवडाले जाहेरी दिएकी छिन् । लुटेराको खोजी तथा अनुसन्धान भईरहेको रामपुर ईलाका प्रहरी चौकीका ईन्चार्ज प्रहरी निरिक्षक श्रीप्रसाद राईले बताएका छन् ।
