२०८१, ४ जेठ शुक्रबार | Fri May 17 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

लायन्स क्लव अफ काठमाडाैं हाईटको अध्यक्षमा गुरु केदार बराल निर्वाचित



पूर्णप्रसाद न्यौपाने

काठमाडाैं – लाईन्स क्लव अफ काठमाण्डौ हाईटको अध्यक्षमा गुरु केदार बराल निर्वाचित भएका छन् । ओखलढुंगा विपद् व्यवस्थापन समाजका सहअध्यक्ष समेत रहेका बराल लायन्स क्लव अफ काठमाण्डौ हाईटको अध्यक्षमा निर्वाचित भएका हुन् ।

अध्यक्ष लायन गुरु केदार बराल

बरालकाे नेतृत्वमा निर्वाचित क्लवको नयाँ कार्यसमितिकाे उपाध्यक्षमा उदयपुरकी सिता निरौला, सचिव घनश्याम निरौला र कोषाध्यक्षमा काठमाण्डौकी निर्मला कार्की सापकोटा निर्वाचित भएका छन् ।

संस्थापक अध्यक्ष मनोज सापकोटाले नयाँ कार्यसमितिलाई सफल कार्यकालको शुभकामना दिए ।

रचनात्मक काम गर्ने प्रतिवद्धता

नवनिर्वाचित अध्यक्ष बरालले क्लव मार्फत समाजसेवालाई निरन्तरता दिने बताएका छन् । ‘विगत लामो समय देखि सामाजिक संघ संस्थामा रहेर काम गरेको अनुभव छ । साथीहरुले यो जिम्मेवारी सुम्पनुभयो । म रचनात्मक काम गर्ने प्रतिवद्धता जनाउँछु ।’ अनलाइन सरोकारसँग कुरा गर्दै अध्यक्ष बरालले भने ‘विपद्मा परेका, खाना र नाना अभाव भएकाहरुका लागि सेवा दिन कुनै कसुर बाँकी राख्दिनँ । अरु संस्थाका नियमित कामहरु प्राथमिकतामा राखिन्छ ।’ विगत देखिका कामलाई संस्थागत गर्दै भावि योजना तय गरेर अघि बढ्ने योजना रहेको उनले बताए ।

को हुन् बराल ? के गर्दै छन् अहिले ?

ओखलढुंगाको लिखु गाउँपालिकाका बराल विगत डेढ दशक अघि देखि सामाजिक काममा सकृय छन् । पोकली झरना सेवा समाजको संस्थापक अध्यक्ष भएर पर्यटन प्रवद्र्धन र दिगो विकासमा जुटेका उनि ओखलढुंगा विपद् व्यवस्थापन समाजमा महासचिवको भूमिकामा लामो समय काम गरेका थिए ।

अहिले विपद् व्यवस्थापन समाजको सहअध्यक्ष छन् । उनी अन्य थुप्रै सामाजिक संघ संस्था र अभियानमा आवद्ध छन् ।

उनी अहिले विपन्न र साहरा विहिनको सारथी बनिरहेका छन् । हरेक दिन बिहान सबेरै देखि राती अबेर सम्म राजधानीका विभिन्न स्थानमा राहत वितरणमा व्यस्त भइरहेका छन् । विश्वमा कोरोना भाइरसको संक्रमण बढेसँगै नेपाल सरकारले सुरु गरेको दुई महिना भन्दा लामो लकडाउनका कारण खाना अभाव भएर समस्यामा परेका व्यक्तिको विवरण लिएर राहत बाँड्न बराल खटिएका छन् । विपद्मा परेका विपन्न र सहारा विहिनलाई सहयोग गर्न पाउँदा आफुलाई आनन्द मिल्ने भएकाले राहत जोखिम मोलेर वितरणमा जुटेको उनले बताए । ‘करोडौं पैसा कमाउँदा त्यति खुसी र आनन्द मिल्दैन होला जति एउटा विपद्मा परेकालाई सहयोग गर्दा मिल्छ ।’ बरालले भने ।

उनले ओखलढुंगाका नागरिकलाई प्राथमितामा राखे पनि अन्य जिल्लाबाट राजधानी आएर बसेकालाई पनि राहत वितरण गरिरहेका छन् ।

प्रकाशित मिति : २०७७, १२ जेठ सोमबार ००:००  १० : ५६ बजे