बाग्लुङ। बाग्लुङ नगरपालिका–१४ नारायणस्थानले दशै, तिहार, छठ पर्व मनाउन वडाबाहिरबाट आउनेहरूले १४ दिन क्वारेन्टाइन बस्नुपर्ने व्यवस्था गरेको छ ।
वडामा पाहुना वा लामो समय जिल्लाबाहिर रहेका जोकोही आउँदा पनि क्वारेन्टाइन अवधि पूरा गर्नुपर्ने व्यवस्था गरिएको वडाअध्यक्ष चक्रबहादुर खत्रीले बताए ।
वडाले दशै–तिहारजस्ता पर्वको समय आउजाउ धेरै हुँदा संक्रमण फैलिने त्रास रहेको गुनासो आएपछि अनिवार्य क्वारेन्टाइन बस्ने र स्वास्थ्य मापदण्ड कार्यान्वयन गर्ने निर्णय गरेको हो ।
