काठमाडौं ।आजबाट सहुलियत मूल्यमा खसी–बोका बिक्री सुरु छ ।दशैंलाई लक्षित गरी थापाथलीस्थित सरकारी स्वमित्वको खाद्य व्यवस्था तथा व्यापार कम्पनी बिक्री केन्द्रबाट सोमबार बिहान ८ बजेदेखि खसी–बोका बिक्री सुरु गरिएको कम्पनीकी सूचना अधिकारी शर्मिला सुवेदीले जानकारी दिइन् ।
कम्पनीको आइतबार बसेको बैठकले जिउँदो खसी तथा बोका प्रतिकिलो ५६० रुपैयाँ तोकेको छ । जसमा प्रतिकिलो १० रुपैयाँ छुट दिएर ५ सय ५० रुपैयाँमा खसी–बोका बिक्री गरिने सुवेदीले बताइन् ।
