सिन्धुली। सिन्धुलीको दुधौली नगरपालिकाले कोरोना संक्रमितको घरमा रातो स्टिकर टाँस्न सुरु गरेको छ । नगरपालिकाले समुदायमा कोरोना संक्रमण फैलन नदिन रातो स्टिकर टाँस्न सुरु गरेको हो ।
दुधौली नगरपालिकाले चार दिनअघि देखा परेका कोरोनाका २७ जना बिरामीको घरमा होम आईसोलेसन लेखिएको रातो स्टिकर टाँस्न सुरु गरेको छ । सङक्रमितको पहिचान, सङक्रमण न्युनिकरण गर्न र दशैं तथा अघिपछि पाहुना लाग्ने काम परेर भेट्न घरमा पुग्ने प्रवृत्तिलाइ रातो स्टिकरले निरुत्साहित गर्ने नगरपालिकाका मेयर घनश्याम राउतले बताए ।
नगरपालिमा कुनै घरमा दुई जना, कुनै घरमा तीन जनासम्म कोरोना संत्क्रमित बिरामी छन् ।अहिलेसम्म संत्रक्रमितको १४ घरमा रातो स्टिकर टाँसि सकिएको छ । उनीहरुलाई होम आईसोलेसनमा नै राखेर उपचार गरिएको छ र संक्रमित बिरामीलाई उपचार गर्न अस्पतालमा आईसोलेसन बेडको अभाव भएकोले होम आईसोलेसन लेखेको रातो स्टिकर टाँसेर उनीहरुलाई घरमै उपचार गरिएको राउतको भनाई छ ।
कोरोना सं त्रक्रमित पूर्व संविधानसभा सदस्य बिषमलाल अधिकारी दनुवार र नेकपाका नेता डम्बरबहादुर कार्कीले पनि घरमा रातो स्टिकर टाँसेर होमआईसोलेसनमा बसेर उपचार गरेका छन् ।
