पूर्णप्रसाद न्याैपाने
ओखलढुंगा – ओखलढुंगाको मानेभञ्ज्याङ गाउँपालिका ८ का विपन्न परिवारलाई राहत वितरण गरिएको छ । विश्वमा महामारीको रुप लिएर फैलिएको कोरोना भाइरसको संक्रमण रोक्न सरकारले घोषणा गरेको लकडाउनका कारण प्रभावित भएका विपन्न तथा श्रमिकलाई वडा कार्यालयले राहत वितरण गरेको हो ।
स्थानीय न्यून आयस्रोत भएका र लकडाउनका कारण अर्थोपार्जनको काम गर्न नसकेका ७५ परिवारलाई राहत वितरण गरिएको वडा अध्यक्ष भिम मगरले जानकारी दिए । रोगबाट डराएर लकडाउनको पालना गरेर बसेका कोही नागरिक भोको बस्न नपरोस् भनेर खाना नहुनेलाई खाद्यन्न उपलब्ध गराईएको वडाअध्यक्ष मगरको भनाई छ ।
मानेभञ्ज्याङ गाउँपालिकाले अहिले गाउँपालिकाका सबै वडा मार्फत लकडाउन प्रभावितहरुलाई राहत वितरण गरिरहेको छ ।
