काठमाडौं। म्याग्दीको बेनी नगरपालिकाले आगामी आइतबारदेखि शैक्षिक संस्था खोल्ने भएको छ ।सरोकारवालासँग छलफल गरेर भौतिक उपस्थितिमै पढाइ सञ्चालन गर्ने निर्णय भएको बेनीका नगरप्रमुख हरिकुमार श्रेष्ठले जानकारी दिए ।
शैक्षिक सत्र खेर जाने जोखिम बढेपछि शिक्षा, विज्ञान तथा प्रविधि मन्त्रालयले जारी गरेको विद्यालय सञ्चालन कार्यढाँचा अनुसार शैक्षिक संस्था खोल्न लागेको श्रेष्ठ बताउँछन् ।संस्थागत आइसोलेसन र क्वारेन्टिन खाली रहेको नगरप्रमुख श्रेष्ठले जानकारी दिए ।
बेनीमा ५६ वटा सामुदायिक विद्यालयसहित ७१ वटा शैक्षिक संस्था छन् ।
