काठमाडौं।नेपालकी टेनिस खेलाडी अभिलाषा विष्टले आईटीएफ इस्लामाबाद जुनियर्स यू–१८ प्रतियोगिताको सर्किट–१ मा स्वर्ण पदक जितेकी छन् ।
महिला डबल्सको फाइनलमा अभिलाषाले रसियाकी एरिना भालिटिभासँग मिलेर रसियाकी एकातेरिना सुभोरोभ र पाकिस्तानकी जोहा असिमलाई पराजित गरेका थिए ।
एकलमा अभिलाषा दोस्रो भएको नेपाल टेनिस संघका सदस्य अजय विष्टले जानकारी दिए । पाकिस्तानमा भइरहेको प्रतियोगिताको पुरुष डबल्समा नेपालका आरभसम्राट हाडा र अकी जुवेन रावत दोस्रो भए । फाइनलमा नेपाली जोडी अमेरिकाका रोहन बेल्डे र एलेक्जेन्डर कर्मानसँग पराजित भएका थिए ।
