सप्तरी।सप्तरीको रुपनि गाउँपालिकामा माहुरीको टोकाइबाट एक महिलाको मृत्यु भएको छ ।
रुपनि गाउँपालिका वडा नम्बर १ का राजेश कुमार यादवकी २४ वर्षीया श्रीमती रमिला देवी यादवको घर नजिकैको खेतमा काम गर्न गएको बेला अचानक माहुरीले टोक्दा मृत्यु भएको हो ।
माहुरीको टोकाइबाट सख्त घाइते भएकी रमिलाको तत्कालै युनिक अस्पताल रायपुरमा उपचारको लागि भर्ना गरिएको र उपचारको क्रममा उनको मृत्यु भएको इलाका प्रहरी कार्यालय रुपनीले जनाएको छ ।
