पत्रकार नबिन धमलाले आफ्नो जन्मदिनको अवसरमा दृष्टिविहिन गायक विरबहादुर विश्वकर्माको परिवारलाई सहयोग गरेका छन् । दृष्टिविहिन तथा आर्थिक अवस्था कमजोर भएका सिन्धुपाल्चोकको भोटेकोशी गाउँपालिका वडा नम्बर १ का विश्वकर्माको परिवारलाई पत्रकार धमलाले जन्मदिनको अवसरमा खाद्यन्न, लत्ताकपडा सहितको सहयोग गरेका हुन् ।
दृष्टिविहिन भएकाले अर्थोपार्जनको काम गर्न नसक्दा गीत गाएर आफु र परिवारको गुजारा चलाउँदै आएका विश्वकर्मालाई पत्रकार धमलाले सिन्धुपाल्चोकको काङलाङ पुगेर सहयोग गरेका हुन् । टङना बजाएर गीत गाउँदा दाताले दिएको दानबाट परिवार पालेका विश्वकर्माको समस्या देखेर सहयोग गरेको पत्रकार धमलाले बताए । जन्मदिन मनाउँदा हुने फजुल खर्च सदुपयोग गरेर विपन्न परिवारलाई सहयोग गरेको उनको भनाई छ ।
अनलाइन सराेकार डटकमका सम्पादक धमलाले विहिबार विश्वकर्मा परिवारलाई चामल २ बोरा, सिरानी २ वटा, सिरक २ वटा, तन्ना २ वटा, डस्ना २ वटा लगायतका सामाग्री हस्तान्तरण गरेका छन् ।
सहयोग पाएपछि विश्वकर्माले खुसी व्यक्त गरेका छन् ।
दृष्टिविहिन विश्वकर्माका श्रीमती र २ छोरा छन् ।
