काठमाडौं । काठमाडौंको बूढानीलकण्ठ नगरपालिका वडा नम्बर १२ ले मंगलवार सार्वजनिक सुनुवाई गर्ने भएको छ । वडा कार्यालयले नागरिकको प्रश्न, प्रतिक्रिया र गुनासो सहितका सवालमा शुसासन, पारदर्शीता र जवाफदेहीता सहित बृहत सार्वजनिक सुनुवाई गर्ने भएको हो ।
वडाको विकास र समृद्धिका लागि भएका प्रयास र गरिएका अभ्यासका बारेमा नागरिकसँग छलफल गर्ने र आगामी योजना तय गर्नेगरि कार्यक्रम आयोजना गरिएको वडाअध्यक्ष शम्भुप्रसाद भटराईले जानकारी दिए । कार्यक्रममा सकृय सहभागिताका लागि वडाअध्यक्ष भटराईले सबैलाई आवहन गरेका छन् । कपन स्थित एभरसाइन पार्टी प्यालेसमा मंगलबार दिउँसो १ बजेबाट सुरु हुने कार्यक्रमको संयोजन पब्लिक इन्ट्रेष्ट मिडियाले गर्ने जनाईएको छ ।