काठमाडौं । काभ्रेपलाञ्चोक बेथानचोक गाँउपालिका-२ ग्वाभञ्ज्याङ्गबाट चितुवाको छाला र हड्डी सहित एकजना प्रक्राउ परेका छन् ।
संरक्षित वन्यजन्तु चितुवाको छाला १ थान तथा हड्डी (आखेटोपहार) सहित खानीखोला गाउँपालिका-७ बस्ने ३४ वर्षीय टेक बहादुर थिङलाई बुधबार प्रहरीले पक्राउ गरेको हो ।
संरक्षित वन्यजन्तुको आखेटोपहार अवैध रुपमा ओसारपसार तथा बेचबिखन गर्न लागेको भन्ने विशेष सूचनाको आधारमा प्रहरी प्रधान कार्यालय केन्द्रीय अनुसन्धान व्यूरोबाट खटिएको प्रहरीले आखेटोपहार सहित फेला पारी उनलाई पक्राउ गरेको थियो ।
उनलाई आवश्यक कारवाहीका लागि डिभिजन वन कार्यालय धुलिखेल पठाइएको व्यूरोले जनाएको छ ।
