नेकपा एमाले (माधव नेपाल समूह) ले ओखलढुंगामा समानान्तर कमिटी घोषणा गरेको छ । शुक्रबार सदरमुकाममा आयोजित सो समूहको विस्तारित बैठकले कमिटी घोषणा गरेको हो ।
कमिटीको अध्यक्षमा नेत्रप्रसाद भट्टराई, उपाध्यक्षमा मणिराज राई र मेख बहादुर खड्का, सचिव हर्कबोल राई, उपसचिवहरु अर्जुन धमला, बलबहादुर परियार, नरेन्द्र श्रेष्ठ, मावर सुनुवार, किसन राई लगायत छन् ।
एमाले भित्रको आन्तरिक विवादपछि माधव नेपाल समूहले देशभर समानान्तर गतिविधि गरिरहेको छ ।
ओखलढुंगामा यसअघि कुनै गतिविधि नगरेको यो समूहले जिल्ला कमिटी घोषणासँगै योजनावद्ध संगठन विस्तार र सहितका योजना अघि सारेको छ ।
विस्तारित जिल्ला कमिटी बैटक तथा समानान्तर कमिटी घोषणा सभालाई एमालेका केन्द्रीय सदस्य यज्ञराज सुनुवार लगायतका नेताले सम्बोधन गरेका थिए । वत्ताहरुले प्रधानमन्त्री केपी ओली नेतृत्वको सरकारको आलोचना गर्दै ओली नेतृत्वको एमालेका गतिविधिको विरोध जनाएका थिए ।
