काठमाडौंको दक्षिणकाली नगरपालिकाका प्रमुख–उपप्रमुखले आफुले प्रयोग गर्ने सवारी एम्बुलेन्सको रुपमा प्रयोग गर्न थालिएको छ । नगरप्रमुख मोहन बस्नेत र उपप्रमुख बसन्ती तामाङले एम्बुलेन्सको अभावमा नागरिकहरुलाई अस्पताल सम्म पुग्नलाई सास्ती व्यहोर्नुपर्ने बाध्यता हटाएर बिरामीलाई समयमै अस्पताल पु¥याउन आफुले चड्ने सवारी प्रयोग गर्न थालेका हुन् ।
बैशाख ३१ शुक्रबार देखी बा २ झ १६५३ र बा २ झ ३६५५ नम्बरको सवारीलाई एम्बुलेन्सको रुपमा प्रयोग गरिएको नगरप्रमुख बस्नेतले अनर्लाइन सरोकारसँगबताए । एम्बुलेन्स नपाएर कोरोना संक्रमित अस्पताल पुग्न नपाउँदै बिरामीले ज्यान गुमाउन नपरोस् भन्ने उद्देश्यले प्रमुख र उप प्रमुखले प्रयोग गरिरहेको सरकारी सवारी नगरभित्रका संक्रमितको सेवाका लागि दिईएको उनको भनाई छ ।
कोरोना कहरमा आपतकालिन अवस्था आईपरेमा सवारीका लागि राजु खड्का ९४१०४६३०४ र नरेन्द्र तामाङलाई ९०३४६००२९ मा सम्पर्क गर्न सकिने दक्षिणकाली नगपालिकाले जनाएको छ ।