नेपाली कांग्रेस पुरानागाउँ–काठमाडौं सम्पर्क समितिले स्वास्थ्य सामाग्री गाउँ पठाएको छ । रामेछापको मन्थली नगरपालिका ९ पुरानागाउँबाट काठमाडौंमा आएर बसोबास गर्ने नेपाली कांग्रेसका नेता कार्यकर्ताको सम्पर्क समितिले कोरोना संक्रमण रोकथाम तथा नियन्त्रणका लागि गाउँमा स्वास्थ्य सामाग्री उपलब्ध गराएको हो ।
मन्थली नगरपालिका ९ का वडाअध्यक्ष बुद्धिबहादुर पुलामी मगरको समन्वयमा नेपाली कांग्रेस पुरानागाउँ–काठमाडौं सम्पर्क समितिका संयोजक टासी लामाले सम्पर्क समितिका तर्फबाट स्वास्थ्य सामाग्री उपलब्ध गराएका हुन् ।
समितिले उपलब्ध गराएको अक्सिमिटर २ थान, थर्ममिटर २ थान, मास्क, सेनिटाइजर, औषधी लगायतका स्वास्थ्य सामाग्री पुराना गाउँ स्वास्थ्य चौकी र सहरी स्वासथ्यय क्लिनिक बाहुनचुरालाई हस्तान्तरण गरिएको वडाअध्यक्ष मगरले जानकारी दिए ।
वडाअध्यक्ष मगरले पुरानागाउँमा कोरोना नियन्त्रणका लागि सबैसाँग समन्वय गरेर काम गरिरहेका छन् ।
