ओखलढुंगामा बिहिवार ८० जनाले कोरोना संक्रमणलाई जितेका छन् । बिहिवार जिल्लाका विभिन्न पालिकाका ८० जना संक्रमितले कोरोना संक्रमणलाई जितेका हुन् ।
जिल्लाका ८० जना संक्रमतिहरु कोरोना संक्रमण मुक्त भएको र थप ९ जनामा संक्रमण पुष्टि भएको जिल्ला स्वास्थ्य प्रमुख सुमन तिवारीले जानकारी दिए । संक्रमण मुक्त हुनेमा सिद्धिचरण नगरपालिकाका १० जना, चिसंखुगढी गाउँपालिकाका २१ जना, सुनकोशीका १९ जना, लिखुका २६ जना, खिजिदेम्बाका १ जना, मोलुङका १ जना र सोलुखुम्बुका २ जना रहेका छन् ।
जिल्लामा बिहिवार ओखलढुंगा सामुदायिक अस्पताल र जिल्ला सामुदायिक अस्पतालमा गरिएको एन्टिजेन परिक्षणबाट थप ९ जनामा संक्रमित थपिएका छन् ।
८० जनाले कोरोना संक्रमणलाई जितेसँगै जिल्लामा कोरोना संक्रमणमुक्त हुनेको संख्या १ सय ९३ पुगेको छ ।
जिल्लामा ७ सय ५६ जनामा संक्रमण पुष्टि भएकोमा हाल ५ सय ५८ जना कोरोनाका संक्रिय संक्रमित रहेका छन् भने कोरोना संक्रमणबाट जिल्लामा ६ जनाको मृत्यु भईसकेको छ ।
संक्रमित मध्ये १६ जना अस्पतालमा उपचाररत रहेको र ५ सय ४२ जना होम आईसोलेसनमा छन् ।