खोटाङको केपिलासगढी गाउँपालिकाले अति विपन्न र विधुतको पहुंचबाट टाढा रहेका घर परिवारलाई सोलार सेट वितरण गरेको छ। ‘उज्यालो गाउँपालिका’ बनाउने नीति तथा कार्यक्रम अन्तर्गत मंगलबार गाउँपालिकामा एक कार्यक्रम गरी सोलार वितरण गरेको हो।
बैकल्पिक उर्जाको अनुदान र गाउँपालिकाको ३ लाख वजेटबाट आएको सोलार सेट ४४ घर परिवारलाई वितरण गरिएको प्रमुख प्रशासकीय अधिकृत छविलाल राईले बताए। वितरण गरिएका सोलार सेट ५० वाटको हो।
गाउँपालिका उपाध्यक्ष हिरा कुमारी वन गिरी र प्रमुख प्रशासकीय अधिकृत राईले लक्षित घर परिवारका प्रतिनिधिलाई सोलार सेट हस्तान्तरण गरेका हुन्।
उज्यालो गाउँपालिका अन्तर्गत अति विपन्न र विधुतको पहुंचबाट टाढा रहेकालाई तत्काल सोलार वितरण गरिएको र आर्थिक अवस्था कमजोर भई विजुली जडान गर्न नसकेका घर परिवारलाई आर्थिक वर्ष २०७८/०७९ मा गाउँपालिकाले विजुली वत्ती जडान गरिदिने प्रमुख प्रशासकीय अधिकृत राईले बताए।
