जिल्ला प्रशासन कार्यालय धनुषामा कार्यरत ना.सु. उमेश कुमार चौधरी घुस रहमसहित पक्राउ परेका छन् ।
चौधरीलाई अख्तियार दुरुपयोग अनुसन्धान आयोग कार्यालय बर्दीवासबाट खटिएको टोलीले चौधरीलाई नियन्त्रणमा लिएको हो ।
उनले नागरिकताको प्रतिलिपि बनाउन सेवाग्राहीसँग साढे ८ हजार घुस लिएको अवस्थामा पक्राउ गरिएको अख्तियारले जनाएको छ ।
‘उमेश कुमार चौधरीलाई सेवाग्राहीबाट रु. ८,५००।– (आठ हजार पाँच सय रुपैयाँ) घुस/रिसवत लिइसकेको अवस्थामा उक्त रकमसहित जिल्ला धनुषा, जनकपुरधाम उपमहानगरपालिका वडा नं. ४ स्थित लड्डु गोपाल स्वीट्स एण्ड स्न्याक्स पसलबाट मिति २०७८।०५।२२ गते नियन्त्रणमा लिई थप अनुसन्धान भइरहेको छ,’ अख्तियारका प्रवक्ता नारायण प्रसाद रिसालद्वारा जारी विज्ञप्तिमा भनिएको छ ।
