ओखलढुंगामा सुमो दुर्घटनाहुँदा १ जनाको मृत्यु भएको छ । आईतबार दिउँसो मानेभञ्ज्याङ गाउँपालिका ६ मितेरीभन्ज्याङमा टाटा सुमो दुर्घटना हुदाँ १ जनाको मृत्यु भएको हो । मृतकको पहिचान खुलेको छैन ।
मानेभज्याङ गाउँपालिकाकै मोलीबाट काठमाण्डौका लागी छुटेको बा ११ च ५२१० नम्बरको सुमो दुर्घटना हुँदा १ जनाको घटना स्थलमै मृत्यु भएको र अन्य ९ जना घाईते भएको जिल्ला प्रहरी प्रमुख गोबिन्दराज काफ्लेले बताउनुभयो । दुर्घटनाका घाईतेहरुलाई उद्दर गरेर उपचारका लागि उदयपुरको घुर्मी स्थित आस्थालाईफ केयरमा पठाईएको र त्यहाँ उपचार सम्भव नभए काठमाडौं पठाईने उहाँको भनाई छ ।
दुर्घटनाका घाईतेको उद्दार र घटना अनुसन्धानका लागि जिल्ला प्रहरी प्रमुख काफ्ले सहितको प्रहरी टोली घटनास्थलमा पुगेको छ ।
घटनाका विषयमा थप अनुसन्धान भईरहेको जिल्ला प्रहरी कार्यलय ओलखढुंगाले जनाएको छ ।
