नेपालमा अन्तराष्ट्रिय स्तरको एम्बुलेन्स सेवा सुरु हुने भएको छ । सामाजिक क्षेत्रमा काम गर्दै आएको योगदान राष्ट्रको लागि अभियानले अन्तराष्ट्रिय स्तरको सेवा सुविधा सहितको एम्बुलेन्स सेवा सुरु गर्ने भएको हो ।
स्वास्थकर्मीको निगरामीमा प्राथमिक उपचार सेवा समेत एम्बुलेन्समै हुनेगरी अन्तराष्ट्रिय स्तरको एम्बुलेन्स सेवा सुरु गर्ने तयारी गरिएको योगदान राष्ट्रको लागि अभियानका केन्द्रीय अध्यक्ष ओम उप्रेतीले अनलाइन सरोकारलाई जानकारी दिए । योगदान राष्ट्रको लागि अभियानका स्वयंसेवक तथा सदस्य र विद्यार्थीहरुलाई विशेष छुट गरिने उनको भनाई छ ।
पहिलो चरणमा यो सेवा चितवन, मकवानपुर, मोरङ, दोलखा जिल्लाहरुबाट संचालन हुने एम्बुलेन्स विभाग प्रमुख शिबनाथ यादवले जानकारी दिए । आगामी दिनमा देशका ७७ वटै जिल्लामा एम्बुलेन्स सेवा दिने योगदान राष्ट्रको लागि अभियान को लक्ष्य छ । यस अभियानमा ऐक्यवद्धता गर्न योगदान राष्ट्रले अपिल गरेको छ ।
