नेकपा माओवादी केन्द्रका अध्यक्ष पुष्पकमल दाहाल प्रचण्डले स्थानीय तहको निर्वाचनमा माओवादी केन्द्र र माओवादी केन्द्रका उम्मेदवारलाई विजयी गराउन आग्रह गरेका छन् । मौन अवधिको पूर्वसन्ध्यामा अध्यक्ष प्रचण्डले भिडियो सन्देशमार्फत शुक्रबार हुने स्थानीय तहको निर्वाचनमा माओवादी केन्द्र र माओवादी केन्द्रका उम्मेदवारलाई विजयी गराउन आग्रह गरेका हुन् ।
संविधान जारी पछि नेपालमा दोस्रो स्थानीय तहको निर्वाचन हुन गइरहेको बताउँदै उनले परिवर्तनका, संविधान, गणतन्त्र र संघीयताका पक्षधरलाई विजय गराउन समेत अपिल गरे ।
संविधानसभाबाट संघीय लोकतान्त्रिक, गणतन्त्र, समावेशी र समानुपातिक प्रणाली स्थापित गर्नको लागि माओवादी केन्द्रले संघर्ष र बलिदान गरेको भन्दै अध्यक्ष प्रचण्डले माओवादी केन्द्रका उम्मेदवारलाई विजयी गराउन आग्रह गरेका हुन् ।
