कागेश्वरी मनोहरा नगरपालिकाले युवाका लागि निःशुल्क पेशागत तालिम सञ्चालन गर्ने भएको छ । नगरपालिकाको चालु आर्थिक वर्षको स्वीकृत वार्षिक कार्यक्रम र इन्स्योर परियोजनाको प्राविधिक सहयोगमा विभिन्न ५ वटा पेशासँग सम्बन्धित तालिम सञ्चालन गर्ने भएको हो ।
कागेश्वरीमा कुक, प्लम्वर, विल्डिङ इलेक्ट्रिसियन, कम्प्युटर हार्डवेयर तथा नेटवर्क र लेखापाल तालिम सञ्चालन हुने भएको हो ।
युवालाई सीप सिकाएर क्षमतावान बनाई पेशा व्यवसायमा संलग्न गराएर स्वरोजगार बनाउन पेशागत तालिम सञ्चालन गरिने नगरप्रमुख उपेन्द्र कार्कीले बताए ।
१८ वर्ष पुगेर ४० वर्ष ननाघेका नेपाली नागरिक तथा पेशागत कार्य प्रकृतिको आधारमा काम गर्न सक्नेले तालिमका लागि आवेदन दिन सक्नेछन् ।
