बाजुराको हिमाली गाउँपालिकाले ३९ करोडकोे बजेट ल्याएको छ । पालिकाको १६ औं गाउँ अधिवेशनमा पालिका उपाध्यक्ष राजकला सार्कीले आगामी आर्थिक वर्ष २०८२-०८३ को बजेट प्रस्तुत गरेकी हुन् ।
हिमाली गाउँपालिकाले नयाँ बजेटमा सामुदायिक शिक्षा, स्वास्थ्य, कृषि, पर्यटन र स्वरोजगारलाई उच्च प्राथमिकतामा राखेको छ ।
गाउँपालिका अध्यक्ष गोविन्दबहादुर मल्लले हिमालीका नागरिकलाई गाउँमै शिक्षा र स्वास्थ्य जस्ता आधारभूत सुविधाको सुनिश्चितता गराउने र किसानलाई आत्मनिर्भर बनाउने नीति सभामा प्रस्तुत गरेका छन् ।
हिमाली गाउँपालिकाले स्थानीय उत्पादनको प्रवद्र्धनमा जोड दिएको छ ।
