रामेछापको लिखुतामाकोशी गाउँपालिका–४ बिजुलीकोटमा पहिरोले गोठ पुर्दा एक किसानको हलगोरु मरेको छ । स्थानीय केदार बस्नेतको गोठमा गएराति अविरल वर्षापछि माथिबाट आएको पहिरो खसेको हो ।
पहिरोले गोठ पुर्दा गोठभित्र रहेका हलगोरु मरेको छ भने गोठमा पुरिएको दुई वटा गाईलाई घाइते अवस्थामा निकालिएको स्थानीय लीला बस्नेतले जानकारी दिनुभयो ।गएरातिको वर्षाका कारण अन्य स्थानमा पनि पहिरोको जोखिम बढिरहेको स्थानीयले बताएका छन् ।
