नेकपा (एमाले)को सचिवालय बैठक आज (चैत १७) बस्दै छ । ललितपुरको च्यासलस्थित पार्टी केन्द्रीय कार्यालयमा बिहान ११ बजे सचिवालय बैठक बस्ने एमालेले जनाएको छ ।
पार्टी अध्यक्ष केपी शर्मा ओलीको गिरफ्तारीलगायत विषयमा बैठकमा छलफल गरिनेछ । गएको शनिबार (चैत १४) पनि एमाले सचिवालय बैठक बसेको थियो । सोही बिहान भक्तपुरको गुन्डुस्थित निवासबाट ओलीलाई प्रहरीले नियन्त्रणमा लिएपछि आकस्मिक रूपमा सचिवालय बैठक बोलाइएको थियो । उक्त बैठकबाट ओलीको रिहाइको माग गरिएको थियो ।
पूर्वन्यायाधीश गौरीबहादुर कार्की नेतृत्वको जाँचबुझ आयोगको प्रतिवेदनका आधारमा चैत १४ गते ओली र पूर्वगृहमन्त्री एवं नेपाली कांग्रेसका नेता रमेश लेखकलाई प्रहरीले पक्राउ गरेको थियो । सोही प्रतिवेदनका आधारमा आज बिहान प्रहरीले काठमाडौंका तत्कालीन प्रमुख जिल्ला अधिकारी छवि रिजाललाई नियन्त्रणमा लिएको छ ।
