गुल्मी। रेसुङ्गा नगरपालिकाले आँखाको शल्यक्रिया निशुल्क गर्ने भएको छ ।
नयाँ जनप्रतिनिधि आएसंगै गरेको पहिलो निर्णय आखाको निशुल्क शल्यक्रिया हुने थियो। सोहि अनुसार बिहीवार रेसुङ्गा नगरपालिका गुल्मी र नेपाल नेत्रज्योति संघ जिल्ला आँखा उपचार केन्द्र गुल्मी बिच सम्झौता भएको नगरप्रमुख पन्थीले बताए। उनले आँखा जस्तो संवेदनशील अंगको उपचारलाई निशुल्क बनाउँदा नगरका जनता धेरै लाभान्वित हुने बताएका छन् ।
नगरपालिकाको उक्त निर्णय पछि स्थानियबासिहरु दृष्टिको समस्याका लागि अन्य जिल्ला जानु पर्ने समस्या समाधान हुने बताएका छन् ।
नगरपालिकाका प्रमुख खिलध्वज पन्थीले आफ्नो योजना अनुसार काम गरि नगरपालिकाको मुहार फेर्ने बताएका छन् ।
