रूपन्देही। कुनै क्षेत्रमा निम्तिएको समस्याप्रति खबरदारी गर्नु राज्यको चौथो अंग सञ्चार क्षेत्रको दायित्व हो । सञ्चार माध्यमले गरेको खबरदारीलाई कतिले सकारात्मक लिएर सुधार तर्फ लाग्छन् त केही व्यक्ति वा संस्था आफ्नो प्रतिष्ठा खस्किने डरले “हामी ठिक छौ” भन्ने नारा लगाउने गर्छन्। त्यही नारा अहिले देवदह नगरपालिकाको शितलनगर स्थित देवदह आदर्श बहुमुखी क्यापसले लगाएको छ ।
शनिबार अनलाइन सरोकारले उक्त क्याम्पसमा देखिएका अनुशासनहीन गतिविधिको खबरदारी सहित समाचार प्रकाशन गरेको थियो । क्याम्पसका पदाधिकारीले क्याम्पसको वातावरण सुधार गर्नु त टाढाको कुरा उल्टो समाचारलाई नै भ्रामक बताउँदै बिदाका दिन शनिबार नै निमित्त क्यापस प्रमुख जय किसान अधीकारीको हस्ताक्षर सहित हतार हतार विज्ञप्ति जारी गर्यो ।
हेर्नुहोस विज्ञप्ति…….
सरसरी हेर्दा क्यापस परिसरमा भएका अनुसासानहिन र अमर्यादित क्रियाकलाप सुधार गर्नुभन्दा पनि त्यसैलाई ढाकछोप गरेको देखिन्छ ।
जारी गरिएको विज्ञप्ति अनुसार विद्यार्थीद्वारा शुक्रबार कार्यक्रमका लागि मोबाइलको प्रयोग गरिएको भनिएको छ । यद्यपि उक्त कक्षाकोठामा गरिएको अधिकान्स भिडियो टिकटकमा अपलोड भएको मिती अनुसार एक महिना पहिलेको हो । अंग्रेजी मिति अनुसार भिडियो अगस्ट १४ मा अपलोड गरिएको छ । नेपाली मिती अनुसार साउन २९ भिडियो राखिएको पाइन्छ ।
समाचार प्रकाशन भएसँगै एक विद्यार्थीले अनलाइन सरोकारका समाचार प्रमुखसँग टिकटककालागि शिक्षकलेनै अनुमति दिएको बताइन् । उनले भनिन् ‘सरहरूको अनुमति बिना कुनै भिडियो अपलोड गरिएको छैन’ सरहरुले हुन्छ भनेपछि मात्र गरेको हो ।
यता शिक्षक कृतीम भण्डारीको जवाफ भने ठिक विपरित छ । उनका अनुसार विद्यार्थीलाई अध्यापनको क्रममा स्लाइड, प्रिजेन्टेसनमा सहयोग हुने भएकाले मोबाइल बन्देज लगाइएको छैन । उनले भने ‘कक्षाकोठामा मोबाइल फोनको अनुमति छैन तर विद्यार्थीलाईअध्ययनमा सहयोग हुने भएकाले ल्याउन दिएका हौ’ ऊनले थपे ‘आफ्नो तरिकाले पढाइराखेको हुन्छु कति बेला भिडियो गरेछन् थाहा पाइएन’ । उनले भिडियो सामाजिक सञ्जालमा देख्दा पटक पटक विद्यार्थीलाई सम्झाएको भएपनि विद्यार्थी अटेर गरेको उल्लेख गरे ।
हेर्नुहोस् तथ्य : अगाडि शिक्षक पढाउने विद्यार्थी टिकटक बनाउने ।
समग्रमा क्याम्पस परिवारले नै क्याम्पसका अनुशासनहीन गतिविधिलाई सुधारको बाटो हैन ढाकछोप गर्न खोजेको देखिन्छ ।
क्याम्पसको प्रतिष्ठामा आच पुर्याउनु हाम्रो उद्देश्य होइन । तर क्याम्पस कै सुधारका लागि समाचार प्रकाशन गर्दा भ्रामकको ट्याग दिनु लज्जाको विषय हो । क्याम्पसका सरोकारवालाहरूको ध्यान आफ्नो कमजोरी ढाकछोप गरि विज्ञप्ति जारी गर्नमा भन्दापनि क्याम्पस सुधार तर्फ केन्द्रित हुन आवश्यक छ ।
