ओखलढुंगाको सुनकोशी गाउँपालिकाले सार्वजनिक स्थलमा स्थानीयले अनाधिकृत रुपमा बनाएका संरचना भत्काउने भएको छ । पटक पटक आग्रह गर्दापनि त्यस्ता संरचना हटाउन स्थानीले अटेर गरेपछि पालिका आफैले अनाधिकृत संरचना भत्काउने भएको हो ।
कार्यपालिकाको २०७९ साउन २८ गते बसेको बैठकले गाउँपालिकाका १० वटै वडाका सार्वजनिक जग्गा अतिक्रमण गरेर बनाइएका संरचना हटाएर हाट बजार व्यवस्थापन गर्ने निर्णय गरेको थियो । उक्त निर्णय अनुसार पालिकाले गतसाल भदौ २७ गते नै सार्वजनिक सूचना जारी गरेर ३५ दिनभित्र अनाधिकृत घर, टहरा हटाउन आग्रह गरेको थियो । पालिकाको उक्त आग्रह स्थानीयले अटेर गरेपछि पुनः एक पटक १५ दिनभित्र संरचना हटाउन आग्रह गरिएको प्रमुख प्रशासकीय अधिकृत रामकुमार कार्कीले बताए । फेरि पनि स्थानीयले अटेर गरे त्यस्ता संरचना पालिका आफैंले भत्काउने र लागेको खर्च सम्बन्धित व्यक्ति वा संस्थाले व्यहोर्नुपर्ने उनको भनाई छ ।
फलाटे भञ्ज्याङसहितका पालिकाका मुख्य बजार व्यवस्थापनका लागि ठेक्का लगाइसकेको सुनकोशी गाउँपालिकाले जनाएको छ ।
