सिन्धुली । कोरोना संक्रमणको जोखिम बढेको भन्दै सिन्धुलीको कमलामाइ नगरपालिका -६ रातामाटाका स्थानीयले रातामाटा क्षेत्र सिल गर्न माग गरेका छन् । सोमबार स्थानीयले छलफल गरेर कम्तिमा दुई साता रातामाटा क्षेत्र सिल गर्न माग गरेका हुन् ।
यसैबीच, निलकमल हार्डवयर पसल संचालकका दाजुमा कोरोना संक्रमण देखिएपछि हार्डवयर बन्द गरिएको छ । संचालक नारायण कार्कीका बिरामी दाजुमा आइतबार कोरोना पुष्टि भएको थियो । तराइबाट कार्कीको घरमा आएर बसेका उनमा कोरोना संक्रमण भएपछि सोमबारबाट अनिश्चितकालका लागि हार्डवयर बन्द गरिएको हो ।
पसलमा काम गर्ने सबै हाल होम क्वारेन्टाइनमा बसेका छन् ।
