दुर्गा प्रसाईँलाई काठमाडौं ल्याउने तयारी भइरहेको छ । केन्द्रीय प्रहरी विशेष ब्युरोबाट खटिएको टोलीले उनलाई झापाको चन्द्रगढी विमानस्थल हुँदै काठमाडौं ल्याउन लागेको हो ।
प्रसाईँलाई आजै ११ः३० बजे बुद्ध एयरको विमानमार्फत काठमाडौं ल्याइँदै छ ।
उनीसँगै उनका बडीगार्ड दिपक खड्का पनि पक्राउ परेको केन्द्रीय प्रहरी प्रवक्ता डीआईजी दिनेश आचार्यले बताए । उनलाई पनि काठमाडौं ल्याउने तयारी छ ।
डीआईजी सिद्धीविक्रम शाह नेतृत्वको उक्त टोली दुई सातादेखि प्रसाईँको खोजीमा विभिन्न स्थानमा खटिएको केन्द्रीय प्रहरी स्रोतले जनाएको छ । सोही टोलीको साथमा उनलाई काठमाडौं ल्याउने तयारी भएको हो ।
