सिन्धुलीको मरिण गाउँपालिका क्षेत्रको विद्युतको समस्या समाधान गर्न नेपाल विद्युत प्राधिकरण सहमत भएको छ । पालिकाका विभिन्न क्षेत्रमा विद्युत विस्तार र वितरणमा देखिएको समस्या समाधानका लागि गाउँपालिका अध्यक्ष विमर्स मुक्तानले प्राधिकरणको जिल्लाका प्रमुख र पालिकाका प्रमुखलाई कार्यालयमै बोलाएर तत्काल मरिण क्षेत्रको विद्युत समस्या समाधान गर्ने सहमति गराएका हुन् ।
समग्र मरिणको विद्युत प्रसारण लाईनमा देखा परेको समस्या समाधानको बारेमा आज मरिण गाउँपालिकाको कार्यालयमा विद्यत प्राधिकरण सिन्धुलीका प्रमुख सिसिर लम्साल र मरिण फ्युज सेन्टर प्रमुख फत्त माझी, स्थानीय सरोकारवालाको बैठक बसेर तत्काल समस्या समाधान गर्ने निर्णय गरिएको गाउँपालिका अध्यक्ष मुक्तानले बताए । उज्यालो मरिण अभियानलाई सफल बनाउन विद्युत विस्तार र वितरणको कामलाई प्रभावकारी बनाउन पालिका र प्राधिकरणले समन्वय बढाउने विषयमा छलफल भएको थियो ।
मरिणलाई उज्यालो पालिका घोषणा गर्ने तयारी छ । अहिले वडावडालाई पूर्णविद्युतीकरणको गर्ने काम भईरहेको छ । देखिएका समस्या समाधान गर्दै विद्युत विकासको कामलाई गति दिन पालिकाले पहल गरिरहेको छ ।
