काठमाडौँको कागेश्वरी मनोहरा नगरपालिकामा एक सय शैयाको नयाँ र आधुनिक अस्पताल निर्माण हुने भएको छ। नगरपालिकाले स्वास्थ्य सेवा गुणस्तर वृद्धि र नागरिकलाई सहज उपचार पहुँच उपलब्ध गराउने लक्ष्यसहित उक्त अस्पताल निर्माणको तयारी अघि बढाएको हो।
१०० शैयाको अस्पताल निर्माणका लागि आधार तयार भइसकेको र जनतालाई सहज तरिकाले शिक्षा, स्वास्थ्य र रोजगारीको पहुँच पु¥याउने लक्ष्यका साथ नगरपालिकाले काम गरिरहको नगर प्रमुख उपेन्द्र कार्कीले बताउनु भयो ।
उहाँले कागेश्वरी मनोहरा देशकै सबैभन्दा बढी बसाइँ सरेर आउने स्थानीय तह भएकाले अस्पताल निर्माण अत्यावश्यक भएको बताउँदै, “१०० शैयाको अस्पताल बनाएर हजारौ नागरिकलाई रोजगारी दिने घोषणा गर्नु भयो ।
नगरपालिकाले स्वास्थ्य क्षेत्रलाई उच्च प्राथमिकता दिँदै गुणस्तरीय र सेवा–मुखी अस्पताल निर्माणको तयारी तीव्र बनाएको जनाएको छ। यसले स्थानीयस्तरमै गुणस्तरीय स्वास्थ्य सेवा उपलब्ध गराउने र काठमाडौं उपत्यकाको स्वास्थ्य सेवामा नयाँ मापदण्ड स्थापित गर्ने अपेक्षा गरिएको छ।
