विश्व खाद्य कार्यक्रम (डब्लुएफपी) का अनुसार पश्चिम एशियामा जारी द्वन्द्वका कारण विश्वभर करिब ३२ करोड मानिस तीव्र खाद्य असुरक्षाको जोखिममा परेका छन्। संयुक्त राज्य अमेरिका, इजरायल र इरानबीचको तनावले इन्धन र खाद्य मूल्य बढ्दै संकट झन् गम्भीर बन्ने चेतावनी दिइएको छ।
युद्ध लम्बिएर तेलको मूल्य १०० डलर नाघेमा थप ४ करोड ५० लाख मानिस भोकमरीको चपेटामा पर्न सक्ने जनाइएको छ। हाल लेबनान लगायत प्रभावित क्षेत्रमा राहत वितरण भइरहे पनि बजेट अभावका कारण सोमालिया, सुडान र अफगानिस्तानमा खाद्य संकट झन् गहिरिएको छ।
डब्लुएफपीले तत्काल थप मानवीय सहायता आवश्यक रहेको भन्दै विश्व समुदायसँग सहयोगको अपिल गरेको छ।
