काठमाडाैं । उदयपुरको कटारी नगरपालिकाका नगरप्रमुख समेत रहेका नेकपाका नेता ज्ञानेन्द्र श्रेष्ठले आफ्नो बारेमा गलत हल्ला फैलाइएको बताएका छन् । नेपाल कम्युनिस्ट पाटी नेकपाको केन्द्रिय सदस्य पद आफुले अस्विकार गरेको भनेर अरुले हल्ला फैलाएको बताएका हुन् ।
नेकपाको केन्द्रिय सदस्य नबस्ने भनेर आफ्नो बारेमा आएका सबै समाचारमा सत्यता नरहेको उनले बताए । ‘नेकपाको केन्द्रिय सदस्य मैले अस्विकार गरेको छैन । मेरो नाम लिएर अरुअरु साथीहरुले गलत हल्ला फैलाएछन् । मिडियामा समेत आयो तर त्यो मेरो आधिकारीक धारणा होईन ।’ उनले भने,‘केपी शर्मा ओली नेतृत्वको नेकपामा नरहने भन्ने कुरै हुन्न । मुलधारमा बसेर राजनिति गर्ने भएकाले पार्टीले दिएको जिम्मेवारी अस्विकार गर्ने कुरा हुँदैन । झन शसक्त ढंगले जनता र पार्टीको काममा लाग्ने प्रण गरेको छु ।’ ओली नेतृत्वमा रहेको नेकपाका केन्द्रिय सदस्यमा नेता श्रेष्ठको नाम छ ।
श्रेष्ठ उदयपुर जिल्लाका निकै प्रभावशाली नेता मानिन्छन् ।