मेरो गाउँ बस्ती

यस बेला
गाउँ बस्तीमा
भोकमरीले राता मान्छेहरु
बिद्रोहको शंखघोष गर्ने
तयारीमा छन्
राक्षसहरुको
छक्का पञ्जाबाट उम्कन
बम र बारुद संग
पौठेजोरी खेल्न तम्तयार छन् ।
हामी फेरी एक पटक ढल्यौ / उठ्यौं
तब मेरो गांउ बस्ती रंगिएर
र रक्ताम्य भएर दुश्मनलाई
निशाना बनाएर
रगतको होली खेल्न विवश छ ।

मेरो गाउँ बस्ती रोगाएको छ
मान्छेहरु गाउँ बस्तीबाट
बिस्थापित हुँदैछन्
त्यसैलले
मेररो गाउँ बस्तीले
परिवर्तनको आगो बोकेर
प्रशव पीडामा
छटपटाएको युगको
लक्ष्यका साथ
हामी नया बिहानीको
पर्खाईमा छौं ।
-भद्रपुर,झापा