२०८१, १४ जेठ सोमबार | Mon May 27 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

आज विश्व जनसंख्या दिवस, संसारको जनसंख्या सात अर्ब ८० करोड नाघ्यो



काठमाडौं । आज विश्व जनसंख्या दिवस । कोरोना भाइरसको त्रासका कारण औपचारिक कार्यक्रम भने नगरिने भएको छ । विश्व जनसंख्याको सूचीमा नेपाल ४९ औं ठूलो मुलुकमा रहेको छ । नेपालको जनसंख्खा हालै तीन करोड नाघेको हो ।

संसारभरको जनसंख्या ७ अर्ब ७९ करोड ७१ लाख ९२ हजार पुगेको छ । यस वर्ष ४२ करोड ८० लाख बढीको जन्म हुँदा ३० करोड ९७ लाख व्यक्तिको मृत्यु भएको छ । सबैभन्दा बढी जनसंख्या चीनमा १ अर्ब ४३ करोड ९४ लाख रहेको छ । दोस्रो स्थानमा रहेको भारतको जनसंख्या १ अर्ब ३८ करोड ४ लाख पुगेको छ ।

अमेरिकामा ३३ करोड १० लाख, इण्डोनेशियामा २७ करोड ३६ लाख, पाकिस्तान २२ करोड १० लाखभन्दा बढी रहेको रहेको बताइएको छ । क्षेत्रगत रुपमा सबैभन्दा बढी एशियामा ४ अर्ब ६४ करोड १० लाख जनसंख्या रहेको छ । अफ्रिकामा १ अर्ब ३४ करोड र यूरोपमा ७४ करोड ७६ लाख जनसंख्या रहेको छ ।

धर्मगत आधारमा हेर्दा क्रिष्चियन धर्मावलम्बी ३१ प्रतिशत, मुस्लिम धर्मावलम्बी २३ प्रतिशत, कुनै धर्मप्रति विश्वास नराख्नेहरुको संख्या १६ प्रतिशत रहेको छ । हिन्दू धर्मावलम्बी १५ प्रतिशत रहँदा संसारभर बौद्ध धर्मावलम्बी ७ प्रतिशत रहेका छन् । अर्को शताब्दी अर्थात् सन् २१०० मा विश्वमा १० अर्ब ८७ करोड जनसंख्या पुग्ने अनुमान गरिएको छ ।

प्रकाशित मिति : २०७७, २७ असार शनिबार ००:००  २ : ४१ बजे