ललितपुर। ललितपुरको पाटन अस्पतालमा डेंगुका बिरामीको चाप ह्वात्तै बढेको छ । अस्पतालमा दैनिक ४० देखि ५० जना डेंगुका बिरामी देखिन थालेका छन् । पाटन अस्पतालका निर्देशक डाक्टर रवि शाक्यका अनुसार गम्भीर प्रकृतिका बिरामी न्यून भए पनि संक्रमणदर ह्वात्तै बढेको हो ।
स्वास्थ्य कार्यालय ललितपुरका अनुसार असारयता ललितपुरमा ५३० जनामा डेंगुको लक्षण भेटिएको छ । डेंगु रोगले महामारीकै रुप लिने अवस्थामा पुगेको स्वास्थ्य कार्यालयका प्रमुख सतिस विष्ट बताउछन् ।
सुरुमा नखिपोट र लगनखेलमा डंगुका बिरामी भेटिएका थिए । अहिले सातदोवाटो, गावाहाल, भैसेपाटीलगायत क्षेत्रमा फैलिएको स्वास्थ्य कार्यालय ललितपुरले जनाएको छ ।
