नबिन धमला
अनलाइन सराेकार
सिन्धुपाल्चोकमा कोरोनाका कारण मृत्यु भएकी महिलाको शिशु स्याहारका लागि नेपाली कांग्रेसका एक नेताले सहयोग गरेका छन् । नेपाली कांग्रेसका केन्द्रिय सदस्य तथा पूर्व सूचना तथा संचार मन्त्री मोहनबहादुर बस्नेतले शिशु स्याहारका लागि उनका अभिभावकलाई १ लाख रुपैयाँ सहयोग गरेका हुन् ।
केही दिन अघि सिन्धुपाल्चोकको बाह्रबिसे ९,राम्चेकी एक सुत्केरी महिलाको कोरोना भाइरसको संक्रमणका कारण मृत्यु भएको थियो । धुलिखेल अस्पतालमा उपचारका क्रममा आमाको निधन भएपछि शिशुलाई केही दिन अस्पतालमा राखिएको थियो ।
शिशु शुक्रवार धुलिखेल अस्पतालबाट डिस्चार्जपछि अस्पतालमै पुगेर पूर्वमन्त्री बस्नेतले १ लाख रुपैयाँ हस्तान्तरण गरेका हुन् । नवजात शिशुलाई स्याहार तथा पौस्टिक आहारमा सहयोग पुगोस् भने उदेश्यले रकम दिएको बस्नेतले अनलाइन सरोकारसँग बताए ।
