कठमाडौं । यूईएफए च्याम्पियन्स लिग फुटबलमा जर्मन क्लबसँगको लज्जास्पद हारपछि स्पेनिस क्लब बार्सिलोनाका प्रशिक्षक किके सेटिन बर्खास्तीमा परेका छन् । गत, शनिबार राति भएको लिगमा बायर्न म्युनिखसँग बार्सिलोना ८–२ को फराकिलो अन्तरले पराजित भएपछि उनलाई पदबाट बर्खास्त गरिएको हो ।
सेटिनले २०१९–०२० को ट्रफी जिताउन नसकेपछि उनलाई पदबाट बर्खास्त गरेको बीबीसीले जनाएको छ । ६१ वर्षीय सेटिनले गत जनवरीमा अर्नेष्टो भाल्भेर्डोको स्थान लिएका थिए ।
बार्सिलोनाका अध्यक्ष जोसेप बार्टेमीले उनलाई पदबाट बर्खास्त गरेको बताएका हुन्। यसको औपचारिक घोषणा भने गरिएको छैन ।